2019-жылдын 6-декабрында И.Раззаков атындагы Кыргыз мамлекеттик техникалык университетинде жогорку кесиптик билим берүү системасындагы көйгөйлөр, аны чечүү жолдорун жана перспективаларын талкуулаган жыйын болуп өттү .
Иш-чараны КМТУнун ректору М.Жаманбаев ачып берди. Иш-чарага Кыргызстандагы жогорку окуу жайлардын ректорлору, Билим берүү жана илим министрлигинин жетекчилиги жана кызматкерлери катышты.
Каныбек Исаков бул тармактагы олуттуу көйгөйлөр: ЖОЖдогу административдик жетекчиликтин ишмердүүлүгүнүн чабалдыгы, менеджменттин дүйнөлүк тренддерге сергек эместиги, жогорку окуу жайлардын профилдештирүү маселесине токтолуп, жогорку билим берүүнү өнүктүрүү боюнча жаңы демилгелерди сунуштап, ар бир маселеге кеңири токтолуп өттү.
