Добавить свою статью
10 Мая 2023
О, менин кыпчактарым «Манастагы»!

2023-жылдын 6-майында Бишкек шаарында өткөн "Улуу кыпчак" этномаданий бирикмесинин 3-курултайында окулган ыр:

Жазмышка жадымдагы кылчактадым,

Жараткан, бербе сөздүн жумшактарын,

Жана да ыңгыранган ыр саптарын.

Көздөсөм көөнө заман кыпчактарын,

Көз жашым мөндүр мисал бурчактадың,

Угутум узун түндү уктатпадың.

Өмүрүң кээде жыргал, кээде куурал,

Өтмүшүң өңкөй өкүт дебес, тууган.

Ооматы орустардын оозунда бар,

Ортоңку Европага оогон куман,

Арабда (с)кифсактар,

сарылар алмустактан.

Айтору, алты-жети атты угам.

Тарыхтын таажысы оттон, башы таштан,

Талаада толгон тайпа тозгон, азган.

Сатпаптыр ыйык тилин ыйман жазган,

Суктанам кашкаларга өнөр баккан.

Ырыстуу нарктарымды каткан, ачкан,

Ыракмат Петрарка, Махмут Кашкар.

Кыйырда чыгыш-батыш тараптагы,

Кылкылдап казкатары адаттагы,

Ак калпак атчандардын баратканы,

Аңдатат ак куу куштун канаттарын.

Так эмес, тагдыр болду талашканың,

О, менин кыпчактарым “Манастагы”!

Кыраандар кыргындагы кудай каары,

Кызыл эт түйүлдүктөр курсактагы,

Энесай, Эдил, Дунай журт тапканы,

Энчилүү эне-атанын урпактары.

Ар урук элдин теги, түп атагы,

Ассалом, бүтүн аалам кыпчактары!

... Көз жашым мөндүр сымал бурчактады,

Угутум узун түндү уктатпады.

Стилистика и грамматика авторов сохранена.
Мнение авторов может не совпадать с позицией редакции.
Как разместить свой материал во «Мнениях»? Очень просто
Добавить

Другие статьи автора

04-04-2024
Когда журналист не меняет профессию
7126

08-01-2024
Меня многое связывает с вами
12542

30-12-2023
Суеркул Тургунбаев служил литературе
13156

17-12-2023
Полезность литературы в построении позитивных отношений
13612

23-08-2023
От Федерико Майора до Карлеса Пуйоля
21290

24-01-2023
Нас украшают скромные награды
24520

29-12-2022
Чыңгыз Айтматов: жаңы жылдык тост
26870

16-11-2022
Насирдин Исанов — настоящий герой Отечества
27338

07-11-2022
На полях «Петербургских встреч в Кыргызстане»
25271

19-09-2022
Не договариваются не любя
19439

Еще статьи

Комментарии
Комментарии будут опубликованы после проверки модератором
Для добавления комментария необходимо быть нашим подписчиком

×