Добавить свою статью
4 Декабря 2023
Тоюңузда акча алганыңыз – ичип-жегениӊ үчүн «төлө» деп «доолаганыӊыз»

Идеология боюнча китебимдин «Каада-салттар жана үрп-адаттар (жаӊыланган заманбап) идеология катары» деп аталган он биринчи концепциядан үзүндү.

Той дегенди – үй-бүлөдөгү кубанычтуу окуя менен туугандарыӊыз, досторуӊуз жана кесиптештериӊиз менен чын жүрөктөн бөлүшүү деп түшүнүш керек. Кубаныч менен бөлүшүү – соодалашпаган акысыз болушу керек.

© У.Дүйшөналы.

Заманга жараша талаптар:

1. Той берген адам төгүлүп чачылса элден аянбай, өзүнүн чыгымдарын тойго келген меймандардан кайра чогултуп алам деп үмүттөнбөй, той кылган кубанычы менен эл-журт менен чын жүрөктөн марттык, берешендик менен бөлүшүшү керек. Тойду акысыз бекер өткөрүшү керек, чыгымдары үчүн меймандардан акча күтүп «эсептешпей», берген тамак-ашын, тартуулаган этин, мындайча айтканда, «соодалашып сатпай». Кыргыз качан «жегениң үчүн, үйүмдө жатып кеткениң үчүн төлө» деп коноктон доолачу эле? Акыйкатта тойдун саясаты ушундай эле болуп жатпайбы?

2. Адам той өткөрүп элге мактангысы келсе, эл менен кубанычы менен чын жүрөктөн бөлүшүшү керек, өзүнүн көйгөйлөрүн элге таңуулап элдин эсебинен чечпей. Туура, кыргыз эли өзүбүздү гана ойлобой башкаларга кам көрүп бири бирибизди колдоп турган жамааттык калкбыз. Бирок бул башка маселе.

3. Коомду тукум курут кылган адамгерчиликсиз рыноктук жашоону, элдин кыйын материалдык абалын эске алган, ысырапкорчулукка жол бербеген сарамжалдуу заманбап ченемдер (нормалар) талап кылынышы керек.

4. Дүйнөдө бир сындырым нанга, бир ууртам таза сууга жетпей ачарчылыкта жашаган өлкөлөрдү ойлоп коюш зарыл.

5. «Башкаларды каратып коюп тамак жебегин» деген кыргыздын накыл сөзүндөй кедей жашаган, колунда жок эл-журтту каратып коюп ысырапкорчулук менен төгүлүп-чачылбаш керек.

Жоё турган нерселер:

1. Адам алып туруп жактырбай же чак келбей калып кийбей коё турган кийит тартуулоо салты.

2. Союла турган малды чектөө.

3. Курсагы тойгон конокторду жарым күндүн ичинде беш-он жолу кыстап-кыйнап ичирип-жедирип түштөндүрүү. Адам баласы табиятынан күнүнө үч эле жолу тамак жешин эске алуу.

4. Кудаларга шакек салууну жоюу – тойго кетчү чыгымды бир аз болсо да азайтат. Күйөө бала менен келинге шакек салган жетиштүү да.

Жогорудагы идеяларды жүзөгө ашыруунун жолдору:

1. Үй-бүлөлүк таалим-тарбия.

2. Билим берүү тармагы. Мамлекет билим берүү тармагы менен үй-бүлөлүк тарбиянын бири бирине шайкеш келишин жөнгө салып, координациялап, муунду каада-салттардын, үрп-адаттардын бирдиктүү ченемдери (нормалары) менен тарбиялоо саясатын камсыз кылышы керек (үй-бүлөдө бир эреже айтылып, билим берүү тармагында башка эреже айтылбай).

3. Жалпыга маалымдоо каражаттары.

4. Мыйзам аркылуу жөнгө салуу, терс көрүнүштөргө тыюу салуу.

Улан ДҮЙШӨНАЛЫ, билингвист фантаст, «Фантастика» аталмасы (номинация) боюнча Москва жана Луганск адабий сыйлыктарынын үч дипломдорунун ээси.

Фото прикрепленное к статье
Стилистика и грамматика авторов сохранена.
Мнение авторов может не совпадать с позицией редакции.
Как разместить свой материал во «Мнениях»? Очень просто
Добавить

Другие статьи автора

24-02-2024
На тестировании в кадровый резерв формируют абсолютно ненужные вопросы
399

14-02-2024
Почему в Жогорку Кенеше теряются письма?
498

14-02-2024
Депутатам ЖК: Приём в резерв кадров с дипломами с отличием ещё более усугубит состояние госслужбы
1028

11-01-2024
Улуттук идеология. Коомдун элүү бир жашоо чөйрөсүн жөнгө салып оӊдой турган каада-салттардын таблицасы. 2-бөлүк
395

10-01-2024
Улуттук идеология. Коомдун элүү бир жашоо чөйрөсүн жөнгө салып оӊдой турган каада-салттардын таблицасы. 1-бөлүк
469

11-12-2023
Как Чингиз Айтматов над моей фамилией пошутил
614

06-12-2023
Чынчыл болуу. Мамлекеттик кызматтагы кошоматчылыкты жоюу
667

05-12-2023
Эки адамдын урушуусунун, мындайча айтканда улуттук маданияты
605

30-11-2023
Чынчылдык концепциясы жана чынчылдык жөнүндө Конституцияга сунуш
511

27-11-2023
Аксакалдар кетип жаштар келсе дүркүрөп өнүгөбүзбү? Жаштар чын эле тазабы?
674

Еще статьи

Комментарии
Комментарии будут опубликованы после проверки модератором
Для добавления комментария необходимо быть нашим подписчиком

×