МАКСАТ:
1. Жарандардын чынчылдыгы (мүмкүн болушунча).
2. Мамлекеттик кызматтагы кошоматчылыкты жоюу.
АДЕГЕНДЕ ИДЕОЛОГИЯЛЫК НАСААТ:
1. Менчиктин бардык түрүндөгү мекеме-ишканалардын, ошондой эле мамлекеттик органдардын жетекчилерин, жогору жактан жок дегенде бөгөт койбогон чекте өздөрүнүн кесиптик ишмердигинде чынчыл болушуна үгүттɵп милдеттендириш керек. Мындай учурда потенциалдуу чынчыл болгон кызматкерлер өздөрүнүн жетекчилигинен коркушпай, коом үчүн чынчыл кызмат кылып ак ниеттүү иштегенге мүмкүнчүлүк түзүлмөк. Ошондо коомдо жана мамлекетте массалык чынчылдыктын өнүгүшүнө өбөлгө түзүлмөк.
2. Башкаруу жөнүндө атамекендик жаӊы илимди (улуттук өзгөчөлүктү эске алган улуттук менеджмент) иштеп чыгуу жолу менен чынчылдыксыз мамлекеттик башкарууну, дегеле башкарууну мүмкүн эмес кылуу зарыл.
© У.Дүйшөналы
КЫРГЫЗ ЭЛИНИН КЭЭ БИР НАКЫЛ СӨЗДӨРҮНӨН:
1. Туура бийде тууган жок,
Туугандуу бийде ыйман жок.
2. Кан калыс болсо, кошоматчы алыс болот.
3. Жакшы болом десең, жакыныңа жан тартпа.
4. Эл камын ойлоп башкарган – кеменгердик,
Эл тагдырына кол көтөргөн – текебердик.
5. Байдын байлыгы кедейдин көз жашынан жаралат.
6. Жаңылып адашкандан, жагынып адашкан жаман.
7. Аким бол, калкка жакын бол.
8. Падышанын мыктысы аалымды жандайт, аалымдын начары падышаны жандайт.
ЖҮЗӨГӨ АШЫРУУ ЖОЛДОРУ:
1. Үй-бүлөдөгү таалим-тарбия.
2. Билим берүү тармагындагы таалим-тарбия (балдар бакчасы, мектеп, окуу жайлары).
3. Жалпыга маалымдоо каражаттары.
4. Мыйзамга чынчылдык жөнүндө берене иштелип чыккан (Акипресстин «Мнения читателей» бөлүмүндө 30-ноябрда «Чынчылдык концепциясы жана чынчылдык жөнүндө Конституцияга сунуш» деген макаланы караңыз).
5. Мамлекеттик кызмат жөнүндөгү мыйзам аркылуу кошоматчылыкка жол бербөө.
6. Мамлекеттик кызматкердин этикасы.
Улан ДҮЙШӨНАЛЫ