МАКСАТ:

Урушканда да маданияттуулукту сактоого үйрөнүү.

КЫРГЫЗДЫН НАКЫЛ СӨЗДӨРҮНӨН:

1. Урушса да жаман сөз айтпай, кадыр-сыйды түшүнөт.

2. Ылаажың болсо бирөө менен урушпа, кусаматка барба.

2. Сөз адамдын ким экенин билдирет.

3. Сөз атасы ыр, сөз катасы – чыр.

4. Тил адамды адам кылат,

Аша чапса жаман кылат.

5. Сөз билген таап сүйлөйт,

Сөз билбеген, каап сүйлөйт.

6. Бутунан мүдүрүлгөн турат, Тилинен мүдүрүлгөн турбайт.

7. Сөз билбеген муштуму менен коркутат.

8. Жылуу сөз – жыланды ийинден чыгарат.

9. Ийне көзүнөн сынат, адам сөзүнөн сынат.

10. Кылыч жарасы бүтөт, сөз жарасы бүтпөйт.

11. Тилден бал да, уу да тамат.

12. Адамды сөзүнөн, малды жибинен кармайт.

13. Адамды өзүнө караба, сөзүнө кара.

14. Катуу сөз – камчы, Жылуу сөз – укурук.

ӨЗҮМДҮН ИДЕОЛОГИЯЛЫК КИТЕБИМДЕН ЭТИКАЛЫК НАСААТ:

31-насаат. Өз ара жаңжал пайда болгондо жана жаңжалдын оордугуна карабастан, эгерде буга жаңжалдын маңызынын тиешеси болбосо, адамдын улутун жана трайбализм маанисинде анын регионалдык тийиштүүлүгүн эсине салып жемелебеңиз (маданияттуу болсоңуз тияктыксың, бияктыксың, еврей же татарсың деп айтпаңыз деген мааниде). Болбосо Сиз ак ниеттүү жаңжалдан жеңилесиз жана өзүңүздүн аң-сезимиңиздин төмөн деңгээлин көрсөтүп аласыз. Ал эми Сиз ак ниеттүү жаңжалды тандап аласызбы же өзүңүздүн аброюңузду курмандыкка чалып жана жаңжалга байланышы жок улут жана регионалдык келип чыгуу факторун колдонуп каршылаш тарабыңызды деморализация кылганды көздөйсүзбү, Сиздин нравалык аң-сезимиңизден көз каранды.

33-насаат. Эгерде бир адам менен Сиздин мамилеңиз келишпесе, анда ал дегеле терс сапаттарга ээ «жаман адам» экен деп жалпы мүнөздөмө бергенге шашылбаңыз. Балким Сиз байкаган анын терс сапаттары Сиздин гана өз ара мамилеңизге ылайык келип чыккандыр да, ал эми коомдо жана башка адамдар менен болгон мамилесинде ал абдан жакшы оң сапаттагы инсандыр деп ойлонуп көрүңүз.

ЖҮЗӨГӨ АШЫРУУНУН АЙРЫМ ЖОЛДОРУ:

1. Үй-бүлөлүк таалим-тарбия.

2. Билим берүү тармагындагы таалим-тарбия.

3. Жалпыга маалымдоо каражаттары.

4. Эмгек жана кызмат тармагындагы Этика кодекстери, мисалы, Мамлекеттик кызматкердин этикалык кодекси сыяктуу.

Улан ДҮЙШӨНАЛЫ, билингвист фантаст, «Фантастика» аталмасы (номинация) боюнча Москва жана Луганск адабий сыйлыктарынын үч дипломдорунун ээси.