Өмүрдү баалайлычы!

Көрдүм мен барды дагы, жокту дагы,

Бешенемдин кеңдигин да, тардыгын.

Балдар үчүн кайышсам да турмушта,

Кубанамын бул жазылган тагдырга.

Аттиң ай, миң толгонуп улутунам,

Өтүп кеткен өмүрдүн ар жылына.

Өмүр дайра өз нугунан чайпалбаган,

Өмүр кыска өтүп кетер байкалбастан.

Өмүрдөн өтпөймүн деп кантип айтам,

Ушул сөздү кеменгерлер кайталаган.

Тилегеним эл-жеримде тынчтык болсун,

Бул жашоого кимдер келип кетпеген.

Бул дүйнөдө атак-даңкка тойбогон бар,

Байлыгынын чып-чыргасын коротпогон,

Ал да өтөөр бу дүйнөгө түркүк болбой,

Жыйнаган мансабы да калып кетээр.

Бир берилген өмүрдү баалайлычы,

Жашообузду шаңга бөлөп жашайлычы.