Замана кантип баратат?

Академик болом деп,

Илимдүүлөр умтулду.

Татыктуулар чектелип,

Абийир калды тепселип.

Айталбай күйүп жалындап,

Жүрөктөр турду жабыркап.

Таанышы менен жеңишти,

Татыксыз жандар келишти.

Улуулар калыс болбоду,

Ойлонуп дагы койбоду.

Замана кантип баратат,

Кыйындары кордолду.

Элине эмгек кылбаган,

Илимге көңүл бурбаган.

Түркөйлөр чыкты учурда,

Илимпоз атты булгаган.