Добавить свою статью
23 Декабря 2020
Туура тандоо жасайлы!
Кубанам мен жаштардын кайратына,

Чындык деп жалындаган эрдигине.

Өлкөнү сактайлы деп үмүт кылып,

Жетсек деп жакшы жашоо деңгээлине.

Заман келди аны каалап миң сан адам,

Чындык деп чыркырады канча бир жан.

Кыргызымдын жигит-кызы тартынбады,

Ок жааса артка кетпей бир да кадам.

Кыргыз деп күйүп жанды жаштарыбыз,

Коркподу болот мизи майтарылгыс.

Миң сандап акыйкатты издешишип,

Замандын алмашканын байкадыңыз.

Карызды төлөй албай кордук көрдүк,

Кытайың жерди алса анда өлдүк.

Өз жаның окко тосуп жаштарыбыз,

Чындык деп көбөйдүбү катарыбыз.

Жаштарыбыз тентип кетти миң сан болуп,

Бул дагы бизге келген азап кордук.

Азапты башыбызга үйүп кетти,

Дүйнө элинде эң кедейи кыргыз болдук.

Бир катар мыкты чыкты кыргызымдан,

Чоңойткон ата-энеси уул-кыздардан.

Алар көрүп жашоосун жалпы калктын,

Өчүрбөйм деп кыргызымдын жылдызын.

Жайлообуз Үзөңгү-Кууш сатылдыбы,

Сатканга эл башчылар батындыбы.

Келечектен урпактарга мурас калбай,

Кыргызым саткындарга басындыбы.

Ушул жерди саткындар корубады,

Жүрөктөрү эли үчүн оорубады.

Ыйык жерди сатышып акча үчүн,

Бузукулук ойлору орундалды.

Бабалардан белек болуп келген жер,

Кыргызымдын киндик каны тамган жер.

Эли-жерин сактайлы деп душмандан,

Канча адамдар өз жандарын кыйган жер.

“Кумтөрүбүз” талкаланып ыйлап жатты,

Чындыкты айткандарды камап жатты.

Эл байлыгын алып кеткен саткындардын,

Арам дүнүйө байлыктары түбүнө жетти.

Бузулуп мөңгү, жерлер ыйлап жатты,

Бузгандар уялбастан чардап жатты.

Чет өлкөгө чыгарып байлыктарды,

Элинин ырыскысын уурдап жатты.

Жарык чачып чындык келсин элиме,

Тынчтык келсин, кут даарысын жериме.

Энелердин ак тилеги орундалып,

Эл башына ыйманы бар адам келсин.

Фото прикрепленное к статье
Стилистика и грамматика авторов сохранена.
Мнение авторов может не совпадать с позицией редакции.
Как разместить свой материал во «Мнениях»? Очень просто
Добавить

Другие статьи автора

14-12-2020
Чыңгыз Айтматовго
865

04-12-2020
Мен адаммын!
776

02-12-2020
Өмүрдү баалайлычы!
678

31-08-2020
Эгемен күнүң кут болсун, кыргыз элим!
438

05-08-2020
Аалы Туткучевге
676

23-07-2020
Япон жергесиндеги ааламат
699

23-07-2020
Биз кайраттуу, намыстуу элбиз, намысыбызды бек сактап кайратынан жазбаган, Манас атабыздын урпактарыбыз
1053

13-07-2020
Нур кетти (Чубак ажынын жаркын элесине)
1255

07-05-2020
Өмүр сакчыларына
2064

27-04-2020
Сабырдын түбү сары алтын
1230

Еще статьи

Комментарии
Комментарии будут опубликованы после проверки модератором
Для добавления комментария необходимо быть нашим подписчиком

×